Nú er ég orðin svo þreytt á að gullkornin sem ég sem hverfi út í bláinn og enginn fái að njóta þeirra að ég er flutt á moggabloggið!

Nýtt bloggfang er því þetta kæru vinir.:  asabjorks.blog.is

þar ætla ég að láta gamminn geysa um andans lendur framvegis!

Gleðilegt ár kæri lesari. Ég er alveg að detta út úr þessari bloggsíðu því að þegar ég hef haugað gullkornum inn á síðuna þá bara dettur allt út!

En sem sagt hér er allt í góðu. Hrossin komin inn hjóskalaus sem þykir gott í þessari vætutíð.  Við fórum vestur að sækja þau daginn fyrir Þollák. Það var þurrt aldrei þessu vant og hin besta ferð. Hesthúsið var að fyllast af músum. Haugurinn sem ég hellti úr reiðskónum okkar fór langt í að fylla sandkassa. Ekki hafa verið færri en hálf milljón mýs í húsinu miðað við allan skítinn. Eftir margar tiltektar rispur var allt orðið hreint og fallegt þá sendi forsjónin, sem ég trúi ekki á, okkur kött. Hann  var snarlega lokaður inni í hlöðu og sagt að éta eins margar mýs og hann mögulega gæti.  Ekki yrði sendur reikningur. Kötturinn stóð sig vel í tvo daga og var þá sleppt lausum. Hann kom svo aftur að tveim dögum liðnum og át restina af músunum. Frábær köttur.

Við Kiddi karlinn duttum í lukkupottinn þegar okkur barst boðsmiði á Kim Larsen! Karlinn sá er ekkert að dala.  Frábær músík og þeir höfðu svo gaman af því að skemmta okkur og sjálfum sér í leiðinni! Ljósasjóið alveg rosalega flott.  Mikið gaman!  Til að missa ekki af fjörinu hellti ég í mig Lemsippi og panódili því haustkvefið sem ég hef verið að forðast hefur nú náð mér og er hrellingurinn á fullu þessa dagana. Ég sleppi ekki pappírsrúllunni sem er í annari hendinni og ruslapoki af stærri sortinni í hinni.  Þar á milli er nefið gjörsamlega hriplekt. hóst óst.

Hverju má trúa? Allt í einu er Landsvikjun hætt að selja álverum rafmagn, allavega ekki til viðbótar viðbótar við það sem orðið er.  Reynist þetta satt vera þá fer ég að trúa að mótmæli almennings hafi eitthvað að segja!!! Þrátt fyrir töluvert drjúga þátttöku í margskonar mótmælum til varnar íslenskri náttúru hef ég haft vafa í hjarta mínu um að það skilaði nokkru.  Nú er það að breytst og mér sýnist glæta framundan.  Allavega kemu nú fleira til skoðunar en illa mengandi álver. Ég leyfi mér að brosa út í annað...allavega í bili.

Vaknaði við útvarpið í morgun. Sármóðguð kona var svoooo leið af því að Lára V. Júl. sagði kirkjuna gamaldags í málefnum homma og lesbía! Gamaldags!!! Hvað er að fólki.  Skilur það ekki sann leikann þegar hann er sagður framaní nefið á þeim.  Biskupinn er enn á gömlu nótunum með það að það þurfi karl og konu til að eignast barn og utanum það skuli hjónabandið hverfast. Þetta er bara að fylgjast ekki með tímanum. Nú eru til dæmis hjónin vinkonur mínar í Árbænum alveg að eignast sitt annað barn. (Það átti að koma í dag!) Þær eru búnar að kveðja kirkjuna sem vill ekkert með þær hafa og fleiri fylgja þeim. Litlu kútarnir þeirra verða ekki sunnudagaskólabörn. Auðvitað er kirkjan gamaldags að vera að bögglast með þetta mál svona. Það er líka hið háa alþingi. Þar á bæ eiga menn að samþykkja lög sem heimila þeim að gifta sig sem langar til að gera það. Svo getur fólk bara valið hvar sú þjónusta er veitt.

Svo er það bibblían. Þegar loks er gert fyrir að konur geti samsamað sig bókinni og talað um bræður og systur þá er hún alveg út úr korti skv. Gunnari í +!

Veit ekki hvað ég er að láta þetta pirra mig þar sem ég hef ekki átt saman við neina kirkju að sælda sl 40 ár!

Enn er fullt að gera í túristabransanum.  Við Örvar Már á fullu í dag.  Hann að drævergæda ungverja og ég að renna gullhring með norska sosjalvorkera.  Þeir voru eftir sig frá í gærkvöld og fóru ekki af stað fyrr en kl. 11 sem hentar b-konunni mér vel.  Svo er Kiddi líka að fara sem leiðsögumaður í nótt, en hann er nú með feitustu réttindin af okkur öllum! Brjálað að gera.  Míró hefur líka verið á fartinni undanfarið því ég fann svo góða gönguleið fyrir okkur tvö að hann er látinn ganga sér til óbóta.

Annars er allt með kyrrum kjörum utan hvað ég er varla að jafna mig út af þessum undarlega samningi til næstu tuttugu ára hjá or. Annað tveggja hefur einhver fegngið feita bita undir borð eða einhver hefur verið útúr fullur að skrifa undir þessa forsmán.  Nema hvorveggja sé og bæði. 'Ouppsegjanlegur samningur sem enginn veit af og er til tuttugu tæknivæddraára. Man einhver hvernig bara símar voru fyrir tuttugu árum? Var til fax 1987? Áttir þú gemsa 1997? fyrir 10 árum. Ekki ég.

 

Við fórum að kíkja á friðarsúluna  hennar Yoko með barnabörnin í gær.  Saman við friðarumræður og annað uppbyggilegt fyrir barnabörn voru sagðar sögur af ömmunni þegar hún var á aldur við unglinginn í bílnum. Unglingurinn okkar er í áttunda bekk sem hét fyrsti bekkur í gaggó í den. Það er magrt breytt í Kleppsholtinu síðan '63.  Þó er Kleppur enn á sínum stað, Skaptið og Víðihlíð þó mikið sé farið að sauma að þessum húsum æsku minnar. Húsið mitt á Ásvegi 15 er tiltölulega óbreytt.  En litli steinbærinn sem var svo fallegur og var no 13 er löngu horfinn.  Þar voru kindur í skúr í gamla daga og stelpukrakki fylgdist með sauðburði og hugaði að lömbunum í næsta garði. Þar var einnig myndrlegt jarðhús fullt af draugum.  Þessi litli bær var einstaklega vel hirtur og alltaf vel málaður hvítur með rauðum gluggum. Á bak við matvörubúðina á horninu var aftur á móti hesthús í bílskúr. Þar voru þrír gæðingar sem þurfti að koma í haga niður í Vatnagarða. Mikið sem það var gaman að rölta með Pjötlu, Goggi og Væng í túnið hans Gústa kjafts neðan við Kleppsveginn.  Svo stóð ég dolfallin og horfði á Dagbjart hesteiganda moka undan og kemba.  Þvílík sæla.

Fyrirsögn í Fréttablaðinu fer alveg rosalega í taugarnar á mér. Fólk gengur út úr bakaríi af því að það vill ekki tala útlensku! Það er nú bara þannig að það tala ekki allir útlensku. Svo bý ég á íslensku málsvæði og þar tala ég íslensku. Ef fólk er ráðið/ræður sig í vinnu þá er lágmark að það geti unnið vinnuna. Ef samskipti eru nauðsyn í vinnunni þá á að gera þá kröfu að viðkomandi geti átt samskipti.  Ef viðkomandi þarf að hafa góða sjón þá er væntanlega ekki ráðin sjóndapur starfskraftur til að sinna starfinu. Ef krafist er líkamlegra burða er ekki ráðinn einhver máttleysingi. Td fær ekki litblindur maður flugpróf eða sjódapur meirapróf. Það þýðir ekki að bera á borð fyrir mig að enginn vilji vinna þessi störf. Fullt af fólki vill vinna störfin....fyrir sanngjörn laun! .

En þetta leiðir mig að öðru.  'I Víðistaðaskóla eru rétt fimmtíu manns skráðir sem kennslukraftar! Þar af eru  T'IU leiðbeinendur.  Fólk sem er ágætis manneskjur eru að fást við kennslustarf án þess að hafa til þess sérstaka menntun. Ef það vantar rútubílstjóra þá er enginn settur undir stýri nema hafa tilskilin réttindi. Það er nú eitthvað annað  með kennsluna....það geta allir kennt. Svo er verið að tala um að lengja kennaranámið úr þrem í fimm háskólaár! ha ha ha ha .....á þessu kaupi! Eða vaxa kannski peningar með lengri kennaramenntun?

Takk fyrir kommentið sonur sæll!

Nú er lífið komið í sinn vanalega haustgang. Nema hvað að ekkert haust er eins.  Við eigum td ekki heima í sama húsi og undanfarna vetur.  'Eg er ekki með sömu stundatöflu og undanfarna vetur, heldur betri og þéttari töflu og við nemendur mínir erum ekki orðin lúin þegar við hittumst.  Nemendur hafn nefnilega bara ákveðið úthald, rétt eins og kennarar.  Því veltir maður fyrir sér gæðum í námi þegar karakki er 36 tíma í skólanum,eða alveg til kl. 16:30.  Þá tekur við heimanám, svo íþróttir, tónlistaskóli og jafnvel  vinna. Þá á eftir að rækta sambandið við vini sína og fjölskyldu. Erum við kannski að ala upp stressbauka framtíaðrinnar. Ekki gefinn tími til að njóta lífsins í ró og spekt. 

En allavega þá fer þetta haust vel af stað hér í Fjóluhlíðinni.  Hvernig má öðruvísi vera með þetta blómprúða nafn á bústað. Við erum búin að koma okkur vel fyrir þó ennn sé mikið af (óþörfu) dóti enn í kössum í skúrnum.

Sumarfríið búið og ég byrjuð að vinna. Þetta hefur verið gott sumar. Við fluttum inn þann 8.águst.  fengum afhent kvölið 07.07.07 og svo mættum við galvösk morguninn eftir. Guðrún 'Ol. vinkona mín,Örvar,Elva, Þóra, Raggi og Iðunn. Gefjun passaði Sörla. Við hin máluðum húsið og vorum búin að mála allt kl.15:00. Þá bónaði Þóra meirihlutann. Svo var flutt inn og um kvöldið var allt fallið í ró.

Þá tók við að flytja Elvu og Ragga á Austurgötuna. Svo var að skella sér í ferðalög á húsbílnum. Renndum austur á Hornafjörð og hittum Birnu frænku og hennar fólk.  Það fór vel um okkur öll sjö í bílnum.  Krakkarnir höfðu að vísu kúlutjald sem annexíu.

Svo tókum við frænkurnar Erla og ég okkur saman og hjálpuðum Sissu og Stefáni við að tæma íbúðina í Gullsmáranum. Það var ekki auðvelt verk að pakka samn aleigu og öllu lífi gamallar konu og ganga þannig frá að ræstinagarfólk geti gert tóma íbúð hreina. Svona eins og að stroka all út. Búið.

Svo duttum við niður á ferð til Parísar! Tveir fyrir einn á 19.200ískr. Við skelltum okkur og höfum verið þar að slappa af og hafa það gott í viku og komum heim þann 12.  Missti sem sagt enn og aftur af Gleðigöngunni miklu!

Sumarið 07 í stuttu máli.

Nú erum við Kiddi í Limbó eins og það sem litlu dánu katólsku börnin voru í alveg fram á vor 2007 þegar Vatikansforstjórinn sló það af. Við komumst sem sagt hvorki fram né aftur.   Búin að pakka öllu en ekki búin að fá nýja húsið. Pakkið var sem sagt fljótgert þegar gengið var í verkið. En dótið!! mar minn sem búið er að safna (og henda).  Nú er verið að fara í málningarleiðangur svo er meiningin að mála á morgun og flytja á sunnudaginn. Allir velkomnir

'Ég hvet alla sem þekkja Sæunni vinkonu mína til að kaupa Mannlíf (júlí, glæpasagnahefti). Þar á vinkona mín og ólkíkindatól eina frábæra sögu! Það er gaman þegar fólk sem maður telur sig þekkja nokkuð vel í gegnum nett fjerutíuogfimm ár kemur manni svona skemmtilega á óvart

Nú er komið nóg af þessu óekta íslenska veðri.  Norðmennirnir kvörtuðu! Sögðust þurfa að koma aftur til að kynnast íslensku veðri! Ég er bara mest inni því þetta er alltof mikil sól fyrir minn smekk. Sigga vinkona mín keyrir um á vesturlandinu í Noregi og sér ekki út úr augum fyrir vatnsveðri, sama veður hrelldi konur sem voru að koma úr tveggja vikna túr frá Englandi.

Nú það þarf svosem ekkert að kvarta þó ég hrekist inn úr sólinni.  Húsið fullt af pappakössum sem eru óðum að fyllast.  Kiddi kom færandi hendi með kassa fyrir frystivörur merkta Sambandi Íslenskra Samvinnufélaga! Það notar þá enginn lengur nema til búslóðaflutninga!

 

Rosalega er gott veður dag eftir dag, er þetta ekki eitthvað sem við eigum ekki skilið hér á klakanum.  Hverfa ekki jöklar og dýrar jökulár? Tún skrælna og hrossin fá ekki heyið sitt.  Þörungar verða að plágu! Bláa lónið orðið grænt! hvað næst???Gefið mér kuldann á ný!

'i dag tók ég á móti norðmönnum sem munu fylgja mér næstu þrjá daga.  Hjón sem voru að halda uppá 65 ára hjúskaparafmæli!!!Gott úthald það....þetta ætla ég að gera líka, fara með Kidda til Noregs þegar við eigum 65ára dúllírallíræ. Fólkið var orðið nokkur þreytt því fluginu seinkaði um tvo tíma svo týndi SAS töskunni gömlu konunnar! En þau komust heil á Hóltel Plaza og matur á Kaffi Rvík bei'ð þeirrá.

Bæjartúr á morgun, svo beint í ammmmæli hjá Iðunni Björk

Þvílíkur hiti dag eftir dag.  Kann ekki við þetta. Það er komið að pökkun og kassar farnir að staflast upp með veggjum.  Síminn hringir látlaust og það bráðvantar leiðsgumenn.  Ég er að reyna að halda mig við það að vera alveg í fríi í júlí, en er nú þegar komin yfir strikið. Örvar Már er að fara í sína fyrstu hringferð á morgun og við sátum yfir kortum og vorum að tímaplana.  Hálflangaði með verð ég að segja en.... ekki fyrr en eftir flutning!

'i dag var hátíð í bæ, eða við Kleyfarvatn öllu heldur.  Við Kiddi héldum uppá 36 ára brúðkaupsafmæli. Krakkarnir okkar og barnabörn voru með okkur. Það var  veisla í farangrinum.  Ekki amalegt að hafa húsbíl til að ferja veislur um landið. Það ku hafa verið 18c hiti en það gjólaði á okkur við vatnið, en við kvörtum ekki!

Hestarnir eru loksins komnir í sveitina sína.  Það gekk ekki andskotalaust að koma þeim en það er alltaf góður kall handan við hornið sem reddar hlutunum.  Við Iðunn Björk tókum að okkur að taka á móti hestunum fyrir vestan. 'I þetta tókum við tæpa þrjá sólarhringa.  Vorum í tveggja kvenna ferð sem við vorum fyrir löngu búnar að plana og önnur er nú þegar á teikniborðinu.  Hún verður 13 ára á morgun dúllan þessi. 

Svo hafa verið danir á ferðinni.  Ég fór eina ferð með bílstjóra sem er einn vanasti leiðsögumaður á 'Islandi! Af hverju við vorum send tvö saman skil ég ekki þar sem við erum bæði ökuleiðsögumenn!! En það var bara gaman. Það litur út fyrir að það verð nóg að gera og ég væri að fara í hring á morgun ef ekki væru flutningar framundan.

Sem sagt flutt verður í Fjóluhlíðina þann 7.júlí!